Анвар Бердиев "Истиқлол"ни тарк этди. Эртага Бухорога йўл олади

“Бухоро” клубида яна бош мураббий ўзгарадиган бўлиб турибди. Январь ойида иш бошлаган Даврон Файзиевнинг ушбу лавозимдан истеъфога чиқарилиши айтилмоқда.

Ҳозирча бунга нима сабаб эканлиги бизга қоронғу. Аммо унинг ўрнида Фарғонанинг “Истиқлол” клубини бошқариб келаётган Анвар Бердиев ишлаши деярли аниқ бўлиб улгурган кўринади. Негаки, у "Истиқлол" билан хайрлашди.

Чунки sports.uz мухбирининг Бердиев билан ушбу масала бўйича гаплашганида чиндан ҳам "Бухоро" клубидан таклиф бўлганини тасдиқлади. Шу сабабли эртага Бухорога кетаётганини қўшимча қилиб ўтди.

Шунингдек, Анвар Бердиевга мураббийлар штабида Сергей Лебедевнинг ёрдамлашиши ҳам кутилмоқда. Воқеалар ривожини кузатишда давом этамиз.