АПЛ. Де Хеа чемпионат тугамасидан "Олтин қўлқоп"ни ўзиники қилди (фото)

"Манчестер Юнайтед" дарвозабони Давид Де Хеа АПЛда энг кўп қуруқ ўйин ўтказган дарвозабонга айланди. Мусобақа якунланишига 2 тур қолганида посбон "Олтин қўлқоп" совринига эга чиқди. 

Де Хеа жорий мавсум 16 ўйинда ўз дарвозаси даҳлсизлигини сақлаб қолган. Унинг таъқибчилари Алиссон, Ник Поуп ва Аарон Рэмсдейл эса 13 бора бундай натижани бажара олган. Улар қолган ўйинларда қуруқ ўйин ўтказишни эпласа ҳам Давидга етиб ола билмайди. 

Маълумот ўрнида, ўтган мавсум "Олтин қўлқоп" Алиссон ва Эдерсонга насиб этган. Уларнинг иккаласи бир хил 20 та ўйинда дарвоза даҳлсизлигини сақлаб қолган.