АПЛ. "Эвертон" - МЮ баҳсидан сўнг жанжал юзага келди

АПЛ 26-туридан ўрин олган "Эвертон" - МЮ баҳси бўлиб ўтди. Унда жамоалар 2:2 ҳисобидаги дурангга имзо чекди. 

"Ирисчилар" сафида биринчи таймда Бето ҳамда Дукуре гол урган бўлса, иккинчи бўлимда Манчестер гранди таркибида Бруну ҳамда Угарте ўз номини таблога ёздириб қўйди.

Ҳакамнинг баҳсдаги сўнгги ҳуштагидан сўнг майдонда жанжал юзага келди. "Эвертон" ҳимоячиси Жеймс Тарковски "Манчестер Юнайтед"нинг бир неча футболчилари билан зиддиятга киришди. Футболчилар нима ҳақида баҳслашгани ҳозирча номаълум.

Маълумот ўрнида, "Эвертон" Англия премьер-лигаси турнир жадвалида 12-, "Манчестер Юнайтед" эса 15-ўринда бормоқда.