АПЛ клуби келаси ёзда Мбаппени 250 миллион евро эвазига сотиб олиши мумкин
«Ливерпуль» Килиан Мбаппени 200–250 миллион евро эвазига сотиб олишга жиддий қизиқмоқда.
Мадриднинг «Реал» клуби ҳужумчиси Килиан Мбаппени АПЛ клуби трансфер қилиши ҳақидаги миш-мишлар пайдо болди. Teamtalk нашри журналист Франсуа Гальярдога таяниб хабар беришича, францияли футболчини ўз сафига қўшиб олишга «Ливерпуль» жиддий қизиқиш билдирмоқда.
Манбаларга кўра, Мбаппе учун тўланиши мумкин бўлган трансфер пули 200–250 миллион евро орасида бўлиши кутилмоқда. Айтилишича, АПЛнинг бир нечта топ-жамоалари ҳужумчини қўлга киритиш ниятида, аммо Килианнинг ўзи биринчи навбатда «Энфилд»га кўчиб ўтиш вариантини кўриб чиқмоқда.
27 ёшли форвард 2024 йил ёзида «ПСЖ» таркибидан мадридликлар сафига қўшилган эди. Унинг «Реал» билан тузган шартномаси 2029 йил июни охиригача мўлжалланган. Transfermarkt портали Мбаппени 200 миллион евро атрофида баҳоламоқда.
Изоҳлар (0)