АПЛ. "Ливерпуль" - "Бёрнли": Матнли трансляция

Ассалому алайкум, муҳтарам футбол ихлосмандлари. Англия Премьер-лигаси 18-туридан ўрин олган "Ливерпуль" - "Бёрнли" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+3'

  Мезбонлар бурчак тўпидан унумли фойдалана олмади.

• 90+2'
  

  "Қизиллар" бурчакдан тўпни ўйинга киритиб беради.

• 90'
  

  Ўйиннинг асосий вақтига 4 дақиқа қўшиб берилди.

• 87'
  

  Жоэль Матип огоҳлантирилди.

• 85'

  Гол ўтказиб юборган мерсисайдликлар фаолликни оширди.

• 83'
  

  ГООООООООООЛЛЛЛЛЛЛЛЛ! "Бёрнли" ҳисобни очди!

  Нуқта қаршисига келган Эшли Барнс аниқ зарбаси билан жамоасини ҳисобда олдинга олиб чиқди.

• 82'
  

  Жарима майдони ичида Алиссон рақибига нисбатан қоида бузди. Ҳакам 11 метрлик нуқтага ишора қилди.

• 80'

  Садио Маненинг зарбаси йўлига рақиб футболчилари блок қўйишни уддалади.

• 78'

  Эрик Питерс асабларини жиловлаб олиши зарур. Ҳакам ҳозирча, оғзаки огоҳлантириш билан чекланмоқда.

• 75'

  Клопп шогирдлари катта босим билан ҳаракат қилмоқда. Меҳмонлар ҳимояда ишончли ҳаракат қиляпти.

• 72'

  Робертсоннинг узатмасидан кейин Фирмино зарба бера олмади.

• 70'

  Йоханн Гудмундссон жамоаси ҳужумини муваффақиятли давом эттира олмади.

• 67'
  

  Эшли Барнснинг зарбасидан кейин Алиссон тўпни қайтарди.

• 64'

  Маненинг зарбаси ноаниқ кетди.

• 62'

  "Қизиллар" штурм уюштиришда давом этмоқда.

• 60'
  

  Салаҳнинг уринишини ҳам дарвозабон бартараф этди. Ортда қолган дақиқалар қаҳрамони - Ник Поуп!

• 57'
  

  Ориги ва Чемберлен ўрнига Салаҳ ҳамда Фирмино ўйинга қўшилди.

• 55'

  Клопп шогирдларининг иштиёқи кўпроқдек кўриняпти. Айнан улар олдинги чизиқда тез-тез кўриниш беряпти.

• 53'

  Тьяго рақибига нисбатан ўйин қоидасини бузди. Дайч шогирдларида яхши стандарт юзага келди.

• 51'
  

  Трентнинг айёрона зарбасини Поуп қайтара олди.

• 50'
  

  Эрик Питерс жароҳат олган Чарли Тейлор ўрнига майдонга тушди.

• 48'
  

  Чарли Тейлорга тиббий ёрдам керак.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+2'
  

  Ҳакам ўйин қоидасини бузган Фабиньони сариқ карточка билан жазолади.

• 45+1'

  Трентнинг стандартдан йўллаган зарбаси анча ноаниқ кетди.

• 45'
  

  Биринчи таймга 1 дақиқа қўшиб берилди.

• 45'

  Жарима майдони чизиғи яқинида Мане йиқитилди. "Ливерпуль"да бўлимни ҳисобда олдинга ўтиб олган ҳолда якунлаш учун ажойиб имконият.

• 43'

  Бирга-бир вазиятга чиқиб борган Оригининг кучли зарбаси дарвоза тўсинини титратди, холос.

• 41'

  Тайм сўнгини меҳмонлар тўп назорати билан ўтказяпти.

• 39'
  

  Тьяго Алькантарага нисбатан ишлатилган қўполлик учун Барнс огоҳлантирилди.

• 39'
  

  Эндрю Робертсоннинг ўткир бурчакдан йўллаган кучли зарбасини дарвозабон муштлари билан уриб юборди.

• 37'

  Трент Александр-Арнольднинг жарима майдони ташқарисидан берган зарбасига аниқлик етишмади.

• 35'
  

  Брэдининг уринишидан кейин тўпни Алиссон эгаллаб олди.

• 34'

  Трентнинг узатмасига шериклари ета олмади.

• 32'
  

  Оригининг бу сафарги зарбасини ҳам дарвозабон ушлаб олди. Ҳозирча, уларнинг шахсий ҳисоб-китобида Поуп ғалаба қозонмоқда.

• 29'
  

  Оригининг аниқ зарбасини Поуп эгаллаб олди.

• 26'

  Робертсонга нисбатан ишлатилган қўполлик учун "Ливерпуль" футболчилари қулай вазиятга эга бўлди.

• 24'

  Арнольднинг узатмаси Оригигача етиб бормади. Бэн Ми тўп йўналишини ўзгартирди.

• 21'

  Шакирининг кучли зарбасига бироз аниқлик етишмади.

• 20'
  

  Бурчакдан етказиб берилган тўпни "Бёрнли" футболчилари узоқлаштирди.

• 17'

  Меҳмонлар ҳам ўйинга қайтди. Энди Алиссон дарвозаси қаршисида ҳам вазиятлар яратилмоқда.

• 15'

  Шакирининг узатмаси жамоадоши томон етиб бормади. Ҳимоячилар яхши ҳаракат қилди.

• 13'
  

  Барнснинг бу сафарги уринишини ҳам дарвозабон бартараф этди.

• 12'

  Вейналдум жарима майдони ичида зарба бериш имкониятини бой берди. У қарор қабул қилишда бироз кечикканди.

• 10'
  

  Эшли Барнснинг яқин масофадан берган зарбасини Алиссон ушлаб олди.

• 9'

  "Қизиллар" шиддатли ҳужумлар уюштиришни тўхтатмаяпти. Бироқ сўнгги нуқта қўядиган футболчи топилмаяпти.

• 6'
  

  Бурчакдан оширилган тўпга меҳмонлардан ҳеч ким аниқ зарба бера олмади.

• 5'

  Маненинг фаоллиги жамоасига бурчак тўпи ишлаб берди.

• 3'

  Илк ҳужум мезбонларда: Фабиньонинг бош билан йўллаган зарбаси ноаниқ кетди.

• 1'
  

  Учрашув бошланди!

• 0'

  Футболчилар майдонга тушиб келди. Ўйин бир неча сониялар ичида старт олади!