АПЛ. "Ливерпуль" - "Эвертон": Меҳмонлар иккинчи голни киритди (матнли трансляция)

Ассалому алайкум, муҳтарам футбол ихлосмандлари. Англия Премьер-лигаси 25-туридан ўрин олган "Ливерпуль" - "Эвертон" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+4'
  

  Люка Динга тиббий ёрдам кўрсатилмоқда.

• 90+2'
  

  Жоржиньо Вейналдумнинг зарбасидан кейин Пикфорд навбатдаги суперсейвни амалга оширди.

• 90'
  

  Ўйиннинг асосий вақтига 5 дақиқа қўшиб берилди.

• 88'
  

  Тьяго Алькантара захирага олинди. Унинг ўрнига Дивок Ориги ўйинни давом эттиради.

• 86'
  

  Ришарлисон ўрнига Ивоби ўйинни давом эттиради.

• 85'

  Жарима майдонига ичидан Фирминонинг йўллаган зарбаси ноаниқ кетди.

• 83'
  

  ГООООООООООООООООЛЛЛЛЛЛЛЛЛЛЛЛ! "Эвертон" ҳисобдаги фарқни оширди.

  Ўзидан чап бурчакка аниқ зарба йўллаган Сигурдсон жамоасининг иккинчи голига муаллифлик қилди.

• 83'

  Видеотакрорларни ўз кўзи билан кўрган Крис Кавана ўз фикрида қолди. Бу - пенальти!

• 82'

  Бироз шошмай турамиз. Ҳакам ВАРни кўриш учун майдон четига кетди.

• 81'
  

  Дарвозабон билан бирга-бир вазиятга чиқиб борган Кальверт-Льюинни Трент йиқитди. Ҳакам пенальти белгилади.

• 78'

  "Ливерпуль" ҳаракатни қилмаса бўлмайди. Меҳмонлар ҳимояда ишончи ҳаракат қиляпти.

• 75'

  Трентнинг зарбасидан кейин ҳимоячилар тўпни ўтказмади.

• 73'

  Карло Анчелотти шогирдлари ҳам фаолликни оширди. Амалга оширилган ўзгаришлар ўз сўзини айтмоқда.

• 71'

  Кальверт-Льюин тўпни ўзига бўйсундира олмади. Алиссон эркин зарба билан ўйинни давом эттиради.

• 69'
  

  Деярли бирга-бир вазиятга чиқиб борган Салаҳнинг зарбасини Пикфорд қайтарди.

• 67'
  

  Ҳакамга жиддий эътироз билдирган Садио Мане огоҳлантирилди.

• 65'

  Шакири зарба позициясини бой берди. Ҳимоячилар уни зарарсизлантиришга эришди.

• 64'
  

  Сигурдсоннинг зарбасидан кейин тўпни дарвозабон эгаллаб олди.

• 61'
  

  Хамес Родригес ўз ўрнини Доминик Кальверт-Льюинга бўшатиб берди.

• 59'
  

  Андре Гомеш ўрнига Сигурдсон майдонга тушди.

• 57'
  

  Фирминонинг узоқ масофадан берган зарбасини дарвозабон ушлаб олди.

• 55'

  Иккинчи 45 дақиқалик тўлиқ "қизиллар" устунлигида давом этмоқда.

• 53'

  Жарима майдони ичида тўпга Фирминодан аввал Пикфорд етиб келди.

• 50'

  Садио Маненинг бу сафарги уринишига аниқлик етишмади.

• 48'
  

  Таймни Клопп шогирдлари фаоллик билан бошлади: Маненинг бош билан йўллаган зарбасини Алиссон ушлаб олди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+4'
  

  Танаффус!

• 45+3'

  Бутун бўлимда бўлгани каби қўшимча дақиқаларда ҳам "Ливерпуль" ҳужумда, "Эвертон" ҳимояда ўйнамоқда.

• 45+1'
  

  Озан Кабак огоҳлантирилди.

• 45'
  

  Биринчи таймга 4 дақиқа қўшиб берилди.

• 44'

  Тайм сўнгига келиб тўп назорати Анчелотти шогирдлари томонда бўлиб турибди.

• 42'

  Салаҳ жарима майдони ичига узатма амалга оширди. Пикфорд тўпни эгаллаб олди.

• 41'
  

  Салаҳга нисбатан қоида бузган Андре Гомеш огоҳлантирилди.

• 38'

  Филипснинг бош билан йўллаган зарбасига бироз аниқлик етишмади.

• 36'

  "Эвертон" жарима майдони томон оширилаётган узатмалар бирин-кетин қайтаримоқда.

• 35'

  Жонснинг жарима майдони ташқарисидан берган зарбасига аниқлик етишмади.

• 33'
  

  Коулманнинг бош билан йўллаган зарбасидан кейин Алиссон жамоасини муқаррар голдан қутқарди.

• 31'

  Тўп қаршисига келган Трент мўлжалда адашди.

• 30'

  Манега нисбатан ишлатилган қўполлик учун "қизиллар" яхши стандарт вазиятга эга бўлди.

• 29'
  

  Хендо ўйинни давом эттира олмади. Унинг ўрнига Натаниэль Филипс майдонга тушди.

• 27'

  Хендо майдонни тарк этди. Бироқ у майдонга қайтишни жуда истамоқда.

• 26'
  

  Жордан Хендерсон майдонда ётибди. Унга тиббий ёрдам керак.

• 25'

  "Эвертон" ҳимоясини ёриб ўтиш мезбонлар учун катта муаммо туғдирмоқда.

• 23'

  Жамоадоши узатган тўпга Салаҳ бироз ета олмади.

• 21'
  

  Арнольднинг кучли зарбасини ҳам дарвозабон қайтарди.

• 20'
  

  Хендерсоннинг аниқ зарбасидан кейин суперсейв ижро этган Пикфорд жамоасини голдан қутқарди.

• 19'

  Фирминонинг зарбасидан кейин тўп рикошет натижасида ўз йўналишини ўзгартирди.

• 17'

  Хамеснинг аниқ зарбасини Алиссон ушлаб олди.

• 16'

  Жарима майдонига яқин ҳудудда "ирисчилар" стандарт вазиятга эга бўлди.

• 14'

  Салаҳ ноаниқ пас бергани туфайли жамоаси тўпни йўқотди.

• 13'

  Люка Диннинг жарима майдонига узатган тўпини Кабак қайтариб юборди.

• 11'

  Тўп назорати "қизиллар" томонда. Бироқ улар рақиб жарима майдонига ёриб киришга қийналяпти.

• 9'
  

  Маненинг ўткир бурчакдан йўллаган зарбасини Пикфорд узоқлаштирди. Марказда тўпни олдириб қўйган Дукуре жамоасига панд бериб қўйиши мумкин эди.

• 7'

  "Қизиллар"нинг илк ҳужуми зарбага қадар етиб бормади. Ҳимоячилар жарима майдони ичидаги рақибни зарарсизлантирди.

• 5'

  Робертсон Хамесга нисбатан бироз қўпол ҳаракат қилди. Ҳакам бу вазиятга ортиқча эътибор қаратмади.

• 3'
  

  ГОООООООООООООООООООЛЛЛЛЛЛЛЛЛЛЛЛЛЛЛЛ! Учрашвда ҳисоб очилди!

  Хамеснинг ажойиб узатмасидан кейин бирга-бир вазиятга чиқиб борган Ришарлисон дарвозабога имконият қолдирмади.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!