АПЛ. "Ливерпуль" ишончли тарзда ғалаба қозонди. "Челси" эса ўз майдонида "Астон Вилла"га мағлуб бўлди

АПЛнинг 6-турида "Челси" ўз майдонида "Астон Вилла"ни қабул қилиб, 0:1 ҳисобида мағлуб бўлди. 

Ўйиндаги ягона голни Уоткинс 73-дақиқада уриб, жамоасига ғалаба келтирди. Олдинроқ, Густо қизил карточка олиб, майдонни тарк этганди. 

"Аристократлар" ушбу матчдан кейин турнир жадвалида 14-ўринга тушиб кетди. 

"Ливерпуль" ушбу турда "Вест Хэм"ни ўз майдонида қабул қилиб, 3:1 ҳисобида зафар қучди. 

Дастлаб, Салоҳ 16-дақиқада ҳисобни очган бўлса, Боуен тайм сўнггида имкониятларни тенглаштирди. Шундан кейин Нуньес ва Жоталар биттадан гол уришга муваффақ бўлди.

3 очкони қўлга киритган мерсисайдликлар 2-ўринга чиқиб олди. "Болғачилар" эса 7-поғонага тушиб кетди.