АПЛ. "Манчестер Сити" ўз уйида "Ливерпуль"ни йирик ҳисобда мағлубиятга учратди
Хосеп Гвардиола бошқарувидаги "Манчестер Сити" Англия Премьер-лигасининг 11-турида Арне Слотнинг "Ливерпуль" жамоаси билан куч синашиб, 3:0 ҳисобида зафар қучди.
Илк гол учрашувнинг 29-дақиқасида Эрлинг Холанд томонидан киритилди. Норвегиялик форвард ўйиннинг илк дақиқаларида пенальтидан ҳам фойдалана олмаган эди. Биринчи бўлим якунланаётган пайтда Нико Гонсалез фарқни 2 тага етказиб қўйди. Шунингдек, иккинчи бўлимнинг 63-дақиқасида Доку супер гол уриб, жамоасининг учинчи голига муаллифлик қилди.
Маълумот ўрнида, "шаҳарликлар" ушбу ғалаба орқали очколар сонини 22 тага етказиб олиб, 2-ўринга кўтарилди ва "Арсенал" билан фарқни 4 тагача қисқартирди. Мерсисайдликлар эса 8-ўрингача тушиб кетди. Жамоа ҳисобида 18 очко мавжуд.
- Англия - Премьер-лига
- Regular Season
Манчестер Сити
- Erling Haaland 29'
- Nico González 45'
- Jérémy Doku 63'
09.11.2025 21:30
Фикрлар