АПЛ. МЮ ва "Вулверхэмптон" йирик ҳисобда зафар қучди

"Манчестер Юнайтед" ўз майдонида "Уотфорд"ни қабул қилди ва 3:0 ҳисобидаги йирик ғалабани қўлга киритди. Голларга Бруно Фернандеш, Антони Марсьяль ва Мейсон Гринвудлар муаллифлик қилди. Шу тариқа, "қизил иблислар" ҳисобидаги очколар сони 41 тага етди ва 5-ўринга кўтарилиб олди. 24 очкоси бор "асаларилар" эса 19-поғонадан жой олишган.

Параллель равишда кечган "Вулверхэмптон" - "Норвич" қарама-қаршилишида ҳам мезбонлар 3 та тўп фарқи билан зафар қучишди. Диого Жота дубль қайд этган бўлса, Рауль Хименес ҳам бир бор таблога ўз номини ёздириб қўйишга эришди. Бугунги ғалаба натижасида "бўрилар" ҳисобидаги очколар сони 39 тага етди ва жамоа 8-ўриндан мустаҳкам жой олди.