APL. Salah 100-golini urgan o‘yinda "Liverpul" yirik hisobda zafar quchdi

Angliya Premer-ligasi 4-turidan o‘rin olgan "Lids" - "Liverpul" uchrashuvi o‘z yakuniga etdi. Unda mehmonlar g‘alaba qozondi, 3:0.

Hisob 20-daqiqala Muhammad Salah tomonidan ochildi. Ikkinchi taymda Fabino farqni ishonchli ko‘rinishga keltirgan bo‘lsa, Mane hakam tomonidan qo‘shib berilgan daqiqalarda jamoasining uchinchi goliga mualliflik qildi.

Shu tariqa, mersisaydliklar ochkolari sonini 10 taga etkazib oldi va 3-o‘ringa ko‘tarildi. 2 ochko jamg‘argan "Lids" 17-pog‘onada joylashgan.

• 90+8'
  

  Учрашув якунланди. "Ливерпуль" йирик ҳисобда ғалаба қозонди!

• 90+6'

  Марсело Бьельса шогирдлари битта бўлса ҳам гол уриш учун олдинга ўтмоқда.

• 90+4'
  

  Тьяго Алькантара ўрнига Наби Кейта ўйинга қўшилди.

• 90+2'
  

  ГОООООООООООЛ! "Ливерпуль" ҳисобни йирик кўринишга келтирди!

  Тьягодан пас қабул қилиб олган Мане кучли зарбаси билан дарвозани ишғол этди.

• 90'
  

  Ўйиннинг асосий вақтига 8 дақиқа қўшиб берилди.

• 88'

  Сўнгги дақиқаларда меҳмонлар сезиларли устунлик намойиш этмоқда.

• 85'

  Чемберлен ўйиндан ташқари ҳолатда қолиб кетди.

• 83'
  

  Дарвозабоннинг олдинга чиқиб кетганини пайқаган Бэмфорд узоқ масофадан зарба берди. Алиссондан сейв.

• 82'
  

  Диогу Жота ўз ўрнини Окслейд-Чемберленга бўшатиб берди.

• 81'

  Рафиньянинг уринишини Алиссон ушлаб олди.

• 79'
  

  Хендерсоннинг зарбасидан сўнг дарвозабон тўпга эга чиқди.

• 77'

  Сўнгги дақиқалар ҳар икки жамоанинг кетма-кет ҳужумлари остида давом этмоқда.

• 75'
  

  Жавоб тариқасида олдинга ўтган "Лидс" яхши ҳужум ташкил этди. Бэмфорднинг уринишидан сўнг тўпни дарвозабон ушлаб олди.

• 75'

  Маненинг зарбаси ҳимоячилардан ўтмади.

• 73'
  

  Арнольднинг чап оёқда йўллаган зарбасини дарвозабон ушлаб олди.

• 70'

  Жарима майдони ичида Фабиньо ва Алиссон ўзаро тушунмовчиликка йўл қўйди. Бироқ Фабиньонинг ўзи хатосини тўғирлади.

• 68'
  

  Харрисон ўз ўрнини Дэниель Жэймсга бўшатиб берди.

• 66'

  Тўп назорати "қизиллар"да. "Лидс" ҳимоявий ўйин кўрсатмоқда.

• 64'

  Учрашувни давом эттириш мумкин. Эллиот ўрнига Хендерсон майдонга тушди.

• 62'

  Ўйин тўхтатилиб турибди. Шифокорлар ҳамон майдонда.

• 60'
  

  Ҳакам Паскаль Струйкни майдондан четлатди.

• 57'
  

  "Ливерпуль" футболчиси жиддий жароҳат олди. Шифокорлар майдонга тушиб келди.

• 55'

  Тайлер Робертснинг жарима майдони ичидан берган зарбаси ноаниқ кетди.

• 52'

  Гол уриб олган мерсисайдликлар фаолликни давом эттирмоқда.

• 50'
  

  ГООООООООООООЛ! "Ливерпуль" ҳисобни ишончли кўринишга келтирди!

  Жарима майдони ичида тўпни қабул қилиб олган Фабиньо дарвозани ишғол этди.

• 48'

  Иккинчи таймда ҳам тўп назорати "қизиллар" томонда бўлиб турибди.

• 46'
  

  Иккинчи таймга старт берилди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45'
  

  Биринчи таймга 2 дақиқа қўшиб берилди.

• 44'

  Люк Эйлинг яқин масофадан ноаниқ зарба йўллади. Қулай имконият қўлдан кетди.

• 43'

  Бўлим сўнгига келиб темп бироз пасайди.

• 41'

  Арнольднинг уринишидан сўнг тўп жонли девордан ўтмади.

• 40'

  Меҳмонлар жарима майдони яқинида стандарт вазиятга эга бўлди.

• 38'

  Харви Эллиотнинг зарбасига бироз аниқлик етишмади.

• 35'

  Устунлик Клопп шогирдлари томонда бўлиб турибди.

• 33'
  

  Диего Льоренте жароҳат сабаб захирага олинди. Унинг ўрнига Паскаль Струйк ўйинга қўшилди.

• 32'

  Маненинг зарбасидан кейин тўп устун ёнгинасидан ўтиб кетди.

• 30'

  Родригонинг кучли чиққан пасини Бэмфорд тўхтата олмади.

• 28'

  Тўп назорати бўйича кичик устунлик меҳмонлар томонда бўлиб турибди.

• 26'

  Харви Эллиотнинг жарима майдони ичидан берган зарбасини дарвозабон қайтарди.

• 24'

  Тьягонинг голи офсайд туфайли инобатга олинмади.

• 22'

  Иштаҳаси очилган "қизиллар" босим уюштиришда давом этмоқда.

• 20'
  

  ГООООООООООООООЛ! Учрашувда ҳисоб очилди!

  Трентнинг қанотдан амалга оширган узатмасини Муҳаммад дарвозага тўғирлаб юборди.

• 17'

  Ўйин ҳар икки томоннинг шиддатли ҳужумлари остида давом этмоқда.

• 15'
  

  Марказда қоида бузган Фабиньога сариқ карточка кўрсатилди.

• 15'
  

  Жотанинг яқин масофадан берган зарбасини дарвозабон қайтарди.

• 14'

  Филлипснинг узатмасидан кейин Бэмфорд тўпга ета олмади.

• 13'

  Арнольднинг уриниши муваффақиятсиз якунланди.

• 12'
  

  Манега нисбатан қўполлик ишлатган Купер огоҳлантирилди.

• 11'

  "Қизиллар" аста-секинлик билан ташаббусни қўлга олмоқда.

• 9'

  Фирпо Салаҳни либосидан тортиш эвазига тўхтатди. Ҳакам уни оғзаки огоҳлантирди.

• 7'

  Трентнинг узатмасига Жота бироз ета олмади.

• 5'
  

  Майдон эгалари босимни давом эттирмоқда. Родригонинг кучли зарбасини Алиссон қайтарди.

• 3'

  Дастлабки дақиқаларда тўп назорати мезбонларда бўлиб турибди.

• 1'
  

  Учрашувга старт берилди!

• 0'

  Футболчилар майдонга тушиб келмоқда. Ўйин бир неча дақиқалар ичида бошланади.