АПЛ. "Сити" очко йўқотди ёхуд чемпионлик учун кураш энди қизийди

АПЛ 29-туридан ўрин олган "Кристал Пэлас" - "Манчестер Сити" учрашуви бўлиб ўтди. Унда жамоалар 0:0 ҳисобидаги нурсиз дурангга имзо чекди. 

Ушбу дурангдан сўнг "шаҳарликлар" ҳисобидаги очколар сони 70 тага етди. Айни вақтда Гвардиола шогирдлари АПЛ турнир жадвалида пешқадам бўлиб турибди. 34 очкоси бор "Кристал Пэлас" 11-поғонадан жой олган. 

Эслатиб ўтамиз, "Сити"нинг энг яқин таъқибчиси "Ливерпуль" 66 очко тўплашга муваффақ бўлган. Шунингдек, мерсисайдликлар сафида битта захира ўйини ҳам мавжуд.