АПЛ. Соннинг хет-триги "шпорлар"га йирик ғалаба тақдим этди, "Астон Вилла" эса...

АПЛ 32-туридан ўрин олган "Астон Вилла" - "Тоттенхэм" учрашуви бўлиб ўтди. Мазкур баҳсда меҳмонлар 4:0 ҳисобида ғалаба қозонди. 

"Шпорлар" таркибида Сон хет-трик қайд этди. Шунингдек, Кулусевски ҳам ўз номини таблога ёздириб қўйди. Ушбу беллашувда Бирмингем клуби зарбалар, бурчак тўплари ва тўп назорати бўйича устунлик қилди. Бироқ Конте шогирдлари минимал имкониятдан максимал фойда чиқара олди. 

Шу тариқа, Лондон клуби очколари сонини 57 тага етказиб олган ҳолда, АПЛ турнир жадвалида 4-ўринга кўтарилиб олди. Жеррард шогирдлари 36 очко билан 12-поғонани банд этиб турибди.