АПЛ телетрансляциялардан қанча даромад кўради?

Англия Премьер-лигаси тўртта миллий телеканал билан шартномани узайтирганини эълон қилди.

Гап Sky Sports, BT Sport, Amazon Prime Video ва BBC Sport ҳақида кетмоқда. Томонлар ўртасидаги аввалги келишув 2022 йилга қадар имзоланган эди. Янги келишув эса 2025 йилга қадар тузилди.

Шартномага кўра, АПЛ чемпионат ўйинларининг телетрансляцияларидан 5,93 миллиард евро даромад олади. Бу ҳақда Sky News хабар тарқатмоқда.

Премьер-лиганинг жорий мавсуми якунланишига яна 2 та тур қолди. Аммо “Манчестер Сити” чемпионлик масаласини ўтган турдаёқ ҳал қилиб бўлган.