АПЛ. "Тоттенхэм"га мағлуб бўлган "Лестер" ЕЧЛга чиқиш имкониятларини кескин пасайтириб юборди

Ҳозиргина Англия Премьер-лигаси 37-туридан ўрин олган "Тоттенхэм" ҳамда "Лестер" жамоалари ўртасидаги ўйин ўз ниҳоясига етди. Лондонда кечган учрашувда мезбонлар 3:0 ҳисобидаги йирик ғалабани қўлга киритишди.

6-дақиқада Жастин ўз дарвозасини ишғол қилиб қўйган бўлса, 37 ва 40-дақиқаларда Харри Кейн иккита тўп киритиб, ҳисобнинг йирик кўриниш олишини таъминлади.

Шу тариқа, "тулкилар" ҳисобидаги очколар сони 62  талигича қолди ва жамоа турнир жадвалида ҳозирча 4-ўринни эгаллаб турибди. 58 очкоси бор "шпорлар" эса 6-поғонадан жой олган.