АПЛ ва ЕЧЛ тўпурари! Холанд фантастик мавсум ўтказди

Эрлинг Холанд "Манчестер Сити"даги дебют мавсумида 52 та гол урди ва 3 та совринни қўлга киритди.

22 ёшли норвегиялик футболчи ўтган ёзда Дортмунднинг "Боруссия"сидан 75 миллион евро эвазига АПЛ клубига ўтганди.

Холанд “Ман Сити” билан биргаликда чемпионлик ва Англия кубоги, шунингдек, Чемпионлар лигасида ғалаба қозониб, требл қайд этди.

Эрлинг жорий мавсум АПЛ ҳамда Чемпионлар лигасининг энг яхши тўпурари ҳисобланади.

У “шаҳарликлар” сафида 53 та ўйинда майдонга тушиб, 52 та гол урди. АПЛда 36 та (35 ўйинда), ЕЧЛда 12 та (11 та ўйинда), 4 та Англия кубогида ва 1 та Англия лига кубогида.  

Ҳужумчи фақат Англия Суперкубоги доирасида "Ливерпуль"га қарши ўйинда (1:3) ўз ҳисобига гол ёздириб қўя олмади.