АПЛда ғалаба қозониш қийинми ёки Чемпионлар лигасида?

"Манчестер Сити" бош мураббийи Хосеп Гвардиола АПЛ ва Чемпионлар лигасидан қай бирида ғолиб чиқиш қийинлиги ҳақида ўз фикрини билдириб ўтди.

"Премьер-лигада ғалаба қозониш Чемпионлар лигасидан кўра қийинроқ: кўп турлар, кўплаб ўйинлар, жароҳатлар билан курашиш, турли вазиятлар. Сўнгги йилларда Премьер-лигада ғалаба қозониш - бу муваффақият. Бу Англия кубогидаги каби шунчаки битта ўйин эмас. Бу ерда сизга барқарорлик керак.

Мен Чемпионлар лигаси муҳим эмас демайман, биз финалда ўйнашни хоҳлардик. Лекин фарқ бор. 38 тур ёки етти учрашувдан кейин ғалаба қозониш? Бу ёқимли ва биз бунга яқинмиз”, - деди испаниялик мутахассис.

Эслатиб ўтамиз, Чемпионлар лигаси ярим финалида “шаҳарликлар” Мадриднинг “Реал” клубидан аламли тарзда мағлубиятга учраб, мусобақани тарк этган бўлса, Премьер-лигада сўнгги тур олдидан 2-ўриндаги “Ливерпуль”дан бир очко олдинда бормоқда.