АПЛнинг энг зўр ҳимоячиси сўнги учта ўйинда иккита голга олиб келувчи хато қилди

Лондоннинг “Арсенал” клуби марказий ҳимоячиси Уилям Салиба сўнги ўйинларда катта хатоларга йўл қўймоқда.

"WhoScored" сайтининг маълумотларига кўра, 24 ёшли франсиялик футболчи сўнгги учта ўйинда икки марта голга олиб келган хатога йўл қўйган. Бу кўрсаткич Салибанинг аввалги 126 учрашувидаги (1 та) хатоларидан ҳам кўпроқ.

Жорий мавсумда Салиба барча турнирларда 46 та ўйинда майдонга тушиб, 2 та гол уришга муваффақ бўлди. Ҳимоячининг бу мавсумдаги ўйини "тўпчилар"га жуда катта фойда келтирмоқда. Мустаҳкам ҳимоя туфайли Лондон клуби жорий мавсум АПЛда энг кам гол ўтказган клуб бўлиб турибди. (29 та ўтказилган гол)

“Арсенал” навбатдаги ўйинини 29-апрел куни ПСЖга қарши ўтказади. Чемпионлар лигаси ярим финалининг биринчи баҳси Тошкент вақти билан соат 00:00да бошланиши керак. Жавоб учрашуви эса 7 майга белгиланган.