AQSh osiyolik besh futbolchiga viza bermadi

Iroq milliy terma jamoasi futbolchilari 2026 yildgi futbol bo‘yicha jahon chempionatiga safari oldidan muammoga duch keldi.

Mamlakat ommaviy axborot vositalari ma’lumotlariga ko‘ra, AQShdagi mutasaddilar Iroq milliy terma jamoasining besh nafar futbolchisiga viza berishni rad etgan.

Qayd etilishicha, ushbu muammo Osiyo va Afrikaning ayrim mamlakatlari futbolchilariga ham ta’sir qilishi mumkin.

Eslatib o‘tamiz, 2026 yildgi futbol bo‘yicha jahon chempionati 11 iyundan 19 iyulgacha uch mamlakat – AQSh, Kanada va Meksikada bo‘lib o‘tadi.

Iroq terma jamoasi guruh bosqichidagi ikki uchrashuvni AQShda, yana bir o‘yinni esa Kanadada o‘tkazadi. “I” guruhida Iroq terma jamoasining raqiblari Fransiya, Senegal va Norvegiya futbolchilari bo‘ladi.