Араухо: "Келажакда "Барса" барчани даҳшатга соладиган жамоа бўлади"

Рональд Араухо жорий мавсумда "Барселона"нинг требл ютиш имкониятларини баҳолади:

"Жамоа жуда яхши формада ва бу кўриниб турибди. Биз барча мақсадларни ютишга қодирмиз, лекин ҳар бир ўйиндан кейинги ўйинга қараб ҳаракат қилишимиз керак. Бизга менталитет ёрдам беряпти". 

"Барса"даги янги давр ҳақида:

"Сизлар мени биласизлар, мен анча камтар одамман. Биз дунёдаги энг кучли жамоамиз, деб айтиш ниятим йўқ. Аммо шунга ишонаманки, келажакда "Барса" рақибларга даҳшат соладиган жамоа бўлади. Бу клуб шунга лойиқ. Умид қиламанки, мухлисларга байрам қилиш учун сабаб берамиз"– деди "Барселона" ҳимоячиси шанба куни бўладиган "Реал"га қарши Испания Кубоги финали олдидан.