Арбелоа "Альбасете"дан учралган мағлубият учун жавобгарликни ўз зиммасига олди

"Реал" бош мураббийи Альваро Арбелоа Испания Кубогида "Альбасете"га қарши учрашувдаги (2:3) мағлубиятдан сўнг фикр билдирди.

— Бу клубда ҳатто дуранг ҳам ёмон натижа, фожиа ҳисобланади. Энди тасаввур қилинг, бошқа лигада ўйнайдиган жамоадан учралган бундай мағлубият нимани англатишини.

Агар кимдир жавобгар бўлса, бу — менман. Чунки таркибни, ўйин услубини ва алмаштиришларни айнан мен танладим. Футболчиларга эса фақат миннатдорчилик билдира оламан — улар мени қандай қабул қилгани учун. Энди уларни жисмоний ва руҳий жиҳатдан тиклашга ёрдам беришим керак.

Мен айнан шу таркиб тўғри, деб ишонгандим. Жамоам жуда иқтидорли, аммо футболчилар учун мен сўраётган талабларни эртаси кунёқ бажариш осон эмас. Якунда барибир бу мағлубият учун жавобгарликни ўз зиммамда ҳис қиламан, — дея жавоб бериб ўтди испаниялик собиқ футболчи.