Арбелоа: "Флорентино Перес — "Реал" тарихидаги энг муҳим шахслардан бири"

"Реал" бош мураббийи Альваро Арбелоа клуб мухлисларининг президент Флорентино Пересга нисбатан норозилиги ҳақида фикр билдирди.

Ла Лига доирасида "Леванте"га қарши ўйинда (2:0) "Реал" мухлислари трибуналарда "Флорентино, кет!" деб қичқириб, футболчиларни ҳам ҳуштак билан қарши олган эди. Шунингдек, ўйин олдидан Мадрид кўчаларида Пересни танқид қилувчи баннерлар ҳам пайдо бўлган.

— Бу ҳуштаклар ва кампаниялар қаердан келаётганини яхши биламан. Булар Флорентинони ёқтирмайдиганлар эмас, балки "Реал"ни ёқтирмайдиган одамлар томонидан қилинаётган ишлар.

Улар мени алдай олмайди. Флорентино Перес — Сантьяго Бернабеу билан бир қаторда "Реал" тарихидаги энг муҳим шахслардан бири. Биз, "Реал" мухлислари, Флорентино бу клуб учун нималар қилганини жуда яхши биламиз.

Бу ҳуштаклар қаердан келаётганини ҳам яхши биламиз, — деди Арбелоа.