Арбелоа ҳакам қарорларидан норози: "Тчуаменининг дисквалификацияси — жиддий йўқотиш"

"Реал" бош мураббийи Альваро Арбелоа "Бавария"га қарши Чемпионлар лигаси чорак финали илк баҳсидаги (1:2) ҳакам Майкл Оливер қарорларини тушунмаганини айтди.

Мадриддаги учрашувда Орельен Тчуамени 37-дақиқада Майкл Олисе билан контактдан сўнг сариқ карточка олди ва карточкалар йиғиндиси сабаб Мюнхендаги жавоб ўйинини ўтказиб юборади.

Шунингдек, 70-дақиқада Жонатан Та Килиан Мбаппенинг оёғига орқа томондан буциси билан босгани учун огоҳлантирилди. Арбелоа ушбу вазиятда сариқ эмас, қизил карточка бўлиши керак эди, деб ҳисобламоқда.

"Тчуаменининг дисквалификацияси — жиддий йўқотиш. Ҳакам бу вазиятда қандай қилиб сариқ карточка кўрсатганини тушуниш қийин. Шунга қарамай, бизда ишончли вариантлар бор.

Бундан ташқари, Мбаппега нисбатан қўпол фол учун нега четлатиш бўлмаганини ҳам тушунмайман. Бу — изоҳлаш қийин бўлган қарорлар", — деди испаниялик мутахассис.