Арбелоа кейинги мавсумда

"Реал" собиқ ҳимоячиси Альваро Арбелоа кейинги мавсумдан бошлаб, "қаймоқранглилар"нинг академиясида мураббий сифатида иш бошлаши мумкин.

37 ёшли испаниялик мавжуд бўлган 11 та ёш жамоанинг бирини бошқаради. Академияда умумий 13 та жамоа бор. "Кастилья" ва U-19 клублари ўзларининг амалдаги бош мураббийларини сақлаб қолишади.

Ҳозирда "Реал" тарбияланувчиси Испания футбол федерациясидан профессионал лицензияни олиш учун масофадан туриб, мураббийлик курсларини ўтамоқда ва келгуси ҳафтада дастлабки курсни якунлайди.

Шундан сўнг, Арбелоа мадридликларнинг академиясида иш бошлаш имкониятини қўлга киритади.

Маълумот учун, Арбелоа "Реал" сафида 237 бор майдонга тушиб, 1 бор Ла Лига, 2 бор Испания кубогини қўлга киритиш билан бирга 2 маротаба чемпионлар лигаси ва 1 мартадан УEФА суперкубоги ҳамда клублар ўртасидаги жаҳон чемпионатида зафар қучган.

Матнда хатолик топсангиз, ўша хатони белгилаб, бизга жўнатинг (Ctrl + Enter)