"Archivo VAR" Илгиз Танташевнинг ҳакамлигини кескин танқид қилди

Испаниянинг "Archivo VAR" нашри ўзбекистонлик ҳакам Илгиз Танташевнинг Парагвай — Франция учрашувидаги фаолиятига энг паст — 1,0 баҳони берди.

Нашр Танташевнинг ҳакамлигини "Жаҳон чемпионатидаги энг ёмон ҳакамликлардан бири" деб баҳолаб, унинг ўйин давомида бир қатор жиддий хатоларга йўл қўйганини таъкидлади.

Хусусан, ҳакам бир нечта аниқ сариқ карточкаларни кўрсатмаган, ўйиндаги курашларга нисбатан нотўғри мезон қўллаган ҳамда иккинчи бўлимда Дезире Дуэга нисбатан ишлатилган яққол қоидабузарликни майдоннинг ўзида пайқамай, пенальти белгиламаган. Фақатгина ВАР аралашувидан сўнг вазият қайта кўриб чиқилиб, 11 метрлик жарима зарбаси белгиланган.

Шунингдек, "Archivo VAR" ҳакам учрашувнинг илк дақиқаларидanoq назоратни йўқотганини, футболчилар ўртасидаги кескин вазиятларни бошқаришда ожизлик қилганини қайд этди.

Нашр, шунингдек, ВАР  аралашган пенальти эпизодига ҳам алоҳида тўхталиб, Диего Гомес тўпга тегмасдан Дезире Дуэни йиқитганини ва бу вазиятда пенальти тайинланиши мутлақо тўғри қарор бўлганини таъкидлади.