Аргентина терма жамоаси устози Мессини хафа қилди

Аргентина миллий терма жамоаси бош мураббийи Лионель Скалони айни пайтда жаҳон футболидаги энг кучли уч нафар футболчи кимлиги ҳақидаги саволга жавоб берди.

Қизиғи шундаки, мураббий ўз танловига терма жамоа етакчиси, саккиз карра “Олтин тўп” соҳиби Лионель Мессини киритмади.

- Ҳозирги кунда жаҳоннинг энг кучли уч футболчиси Килиан Мбаппе, Ламин Ямал, шунингдек, Хулиан Альварес ёки Лаутаро Мартинес, - деди Лионель Скалони.

Аргентина терма жамоаси навбатдаги учрашувларини 6 ва 11 июнь кунлари ўтказади. Бу саналарда Лионель Скалони шогирдлари Чили ва Колумбияга қарши ўйнайди. Аргентиналиклар 2026 йилги жаҳон чемпионати йўлланмасини муддатидан аввал қўлга киритиб бўлган.