Аргентиналик дарвозабон: "Мен учун Мбаппе энг яхши футболчи"

Аргентина терма жамоасининг собиқ дарвозабони Уго Гатти Лионель Мессининг даражасига баҳо берди. 

"Месси яхши чемпионатни ўтказди. Бироқ ҳеч қачон у Пеле ҳамда Марадонани ортда қолдира олмайди. Аргентина тарихидаги энг яхши футболчи - Марадона. 

Ди Мария феномен эди, аммо бу ҳақда ҳеч ким гапирмайди. Мен учун Мбаппе дунёнинг энг яхши футболчиси", - деди Гатти "El Chiringuto" телеканалида. 

Месси жаҳон чемпионатида 7 учрашув ўтказиб, 7 та гол (4 таси пенальтидан) ва 3 та голли узатма амалга оширган. У турнирнинг энг яхши ўйинчиси деб топилганди.