Арина Соболенко рақибига бор-йўғи бир геймни бой бериб қўйди

Франциянинг Страсбург шаҳрида теннис бўйича аёллар ўртасида ўтаётган "Internationaux de Strasbourg" мусобақасида илк давра баҳслари бошланди.

Унда беларуслик Арина Соболенко ва хитойлик Чжу Линь ўзаро рақобатлашди. Аринанинг тўлиқ устунлигида ўтган ўйин 6:0, 6:1 ҳисобида якунланди.

Шунингдек, ушбу босқичда хитойлик Сайсай Чжэн мезбонлар вакили Армони Танни ҳар иккала сетда тай-брекда енгди.