Арман Царукян жанг қилишни истаётган рақиби ҳақида гапирди

Таниқли UFC жангчиси Арман Царукян Hype лигасида Муҳаммад Мокаев устидан ғалаба қозонганидан сўнг, кейинги режалари ҳақида гапирди.  

"Аввало, Hype га раҳмат айтаман. UFC га ҳам бу ерда иштирок этиш имконини бергани учун раҳмат. Мен камарга биринчи рақамли даъвогарман. Бу иккинчи даражали иш, менинг мақсадим – UFC камари. Шу учун жуда қаттиқ меҳнат қиляпман. Шундан пайт келадики, мен UFC ва BMF титулларига бирлаштираман.

Мокаевга раҳмат! У габорит жиҳатдан кичикроқ бўлса-да, жуда яхши ҳимояланди. Эшитишимча, Диллон Дэнис ҳам мен билан курашмоқчи экан. Майли кел, сени ҳам ухлатаман. UFC да эса энди Чарльз Оливейра билан жанг қилмоқчиман!" - деди Арман.

Эслатиб ўтамиз, Царукян 2025 йил 22 ноябрь куни "UFC Qatar" турнирида Дэн Хукерни енганидан буён промоушен октагонида кўриниш бермади.