Арман Царукян ёлғонни аниқловчи тестдан ўтди

Россия ва Арманистон шарафини ҳимоя қилувчи UFC жангчиси Арман Царукян ёлғон детектори тестидан ўтди.

— Спортда лойиқ бўлганидан кўра кўпроқ шуҳратга эришган жангчилар борми?
— Ҳа, Пэдди Пимблетт [Тўғри].

— Илия Топурияни мағлуб эта олишингизга ишонасизми?
— Ҳа, ишонаман. Мен ҳар доим ўзимга ишонаман [Тўғри].

— Сизнингча, Ислом Махачевга энг қийин жангни берармидингиз?
— Йўқ, менимча, Волкановский биринчи жангида энг қийин жангни ўтказган [Нотўғри].

— Сиз ростдан ҳам шунчалик боймисиз?
— Йўқ [Ёлғон].

— Дана Уайтдан қўрқасизми?
— Йўқ [Ёлғон].

— Хавфли жангдан қочиш учун атайин ўзингизни жароҳат олгандек тутганмисиз?
— Ҳа [Ёлғон].

Эслатиб ўтамиз, Арман Царукян UFC октагонида охирги бор 22 ноябрь куни жанг ўтказиб, Дэн Хукерни 2-раунддаёқ сабмишн эвазига мағлуб этганди.