Арман Царукянга мағлуб бўлади

Июнь ойида Маурисио Руффидан мағлуб бўлган Майкл Чендлер бразилиялик ғалабали сериясини давом эттиришига ишонмоқда.

"Царукян Маурисиони енгиш учун ажойиб режа тайёрлаган, аммо у буни амалга ошира оладими? Мана шу ҳақиқий савол!

Ўйлашимча, жанг қуйидагича кечади: Руффи Арманга "стойка"да кучли зарбалар бераади. Царукян эса, шубҳасиз, уни партерга ўтказишга уринади, чунки бразилиялик билан тик оёқда беллашиш жуда хавфли.

Менимча, Руффи кўпчилик ўйлаганидан кўра анча яхшироқ. Шунинг учун бу баҳсда унинг ғалабасига пул тикаман", - деди америкалик Ариэль Хельванига берган интервьюсида.

Эслатиб ўтамиз, Маурисио ва Царукян тўқнашуви 19 сентябрь куни "UFC 331" турнирида бўлиб ўтади.