Арне Слот Салоҳнинг голсиз сериясига изоҳ берди

"Ливерпуль" бош мураббийи Арне Слот Муҳаммад Салоҳнинг 6 ўйиндан бери давом этаётган голсиз серияси ҳақида фикр билдирди. Мутахассис мисрлик ҳужумчини Чемпионлар лигаси доирасидаги "Айнтрахт"га (5:1) қарши ўйинда захирада қолдирганди.

"Мен асло хавотирда эмасман. Энг муҳими  Салоҳ ҳар доим бизнинг клубимиз учун гол уриб келган", — деди Слот.

"Мени энг кам ташвишга соладиган нарса — у яна гол ура бошлайдими ёки йўқми. Чунки у бутун фаолияти давомида шундай қилган ва мен ундан яна ўша натижани кутаман", — дея қўшимча қилди мураббий.

Маълумот учун, "мерсисайдликлар" 25 октябрдан 26 октябрга ўтар кечаси АПЛнинг 9-турида "Брентфорд"га қарши майдонга тушади.