Арне Слотнинг "Ливерпуль"даги келажаги маълум

"Ливерпуль" бош мураббийи Арне Слот келаси мавсумда ҳам жамоада ишлашда давом этади. Бу ҳақда "Tribal Football" хабар берди.

Манбага кўра, клуб раҳбарияти жамоанинг Чемпионлар лигасига йўл олишини, ҳатто жорий мавсум совринсиз якунланса ҳам, қониқарли натижа деб баҳоламоқда.

Англия чемпионатининг 33 туридан сўнг мерсисайдликлар 55 очко билан турнир жадвалида бешинчи ўринни эгаллаб турибди.

Слот шогирдлари Премьер-лигадаги навбатдаги учрашувни ўз майдонида "Кристал Пэлас"га қарши ўтказади. Баҳс 25 апрель, шанба кунига белгиланган.