Аррисабалага ўрнига "Челси"га келадиган дарвозабон кимлиги аниқ

Амстердамнинг "Аякс" клуби дарвозабони Андре Онана ёзда "Челси"га ўтишга рози бўлди. Бу ҳақда Voetbal Nieuws нашри хабар тарқатмоқда.

Юқоридаги манбаага кўра “аристократлар” камерунлик посбон учун 40-50 миллион евро тўлашга тайёр. Таъкидлаш керакки, Онана “Челси”га ўтиш учун "Тоттенхэм", "Барселона" ва ПСЖ клубларидан бўлган таклифларни рад этган.

Айтиш керакки, Онана "Челси"да асосий дарвозабон бўлади. Лондонликлар ҳозирги асосий посбон Кепа Аррисабалаганинг ўйинларидан қониқишмаяпти ва уни сотиб юборишмоқчи.

Маълумот учун, 23 ёшли Онана жорий мавсум “Аякс” сафида жами 32 та ўйинда майдонга тушди ва ўз дарвозасидан 30 та гол ўтказиб юборди. Унинг клуб билан амалдаги шартномаси 2022 йилга қадар имзоланган.