Арсен Венгер яна "Монако"га қайтиши мумкин

Франциялик машҳур мутахассис Арсен Венгер “Монако”да Леонарду Жардимнинг ўрнини эгаллаши мумкин.

Хабарларга қараганда агар португалиялик мураббий тез орада зудлик билан жамоа натижаларини ўнглай олмаса, унинг ўрнига айнан 69 ёшли мураббий таклиф этилиши мумкин.

Таъкидлаш керакки, Венгерни ФИФАга техник директор лавозимига таклиф қилишмоқда, аммо унинг ўзи яна мураббийлик қилиш истагида. Бундан аввалроқ у билан Москванинг “Спартак” клуби қизиқаётгани ҳақида хабарлар тарқалган эди.

Маълумот учун, “Монако” айни дамда Франция чемпионатида дастлабки 5 та турдан сўнг 2 очко билан 19-ўринда бормоқда. Шу ўринда Арсен Венгер “Монако”ни 1987-1994 йилларда бошқарганини ва  жамоа билан бирга Франция чемпиони ва Кубоги соҳибига айланганини эслатиб ўтиш лозим.

Фикрлар

Фикр қолдириш учун авторизациядан ўтинг!