"Арсенал" - "Манчестер Сити": Матнли трансляция
- 90'
Учрашув якунланди! Матнли трансляцияни Абдулвосид Валихонов олиб борди.
- 90+'
Родрининг узоқдан йўллаган зарбаси дарвоза устидан ўтиб кетди.
- 90+'
Чап қанотдан Менди узатган тўпга Мартинес биринчи реакция билдирди.
- 90+'
"Арсенал" қанотда тўп билан муомала қилган ҳолда вақтдан ютяпти.
- 90+'
"Арсенал"нинг 11 футболчиси жарима майдонида ҳимояланяпти.
- 90+'
Учрашув асосий вақтига 7 дақиқа қўшиб берилди.
- 90'
Энди Мейтленд-Найлзнинг оёқлари оғриб қолди.
- 87'
Колошинац ва Ҳолдинг майдонга тушди. Себальос ва Мустафи ўз ўрнини уларга бўшатиб берди.
- 86'
Мустафига тиббий ёрдам кўрсатилмоқда.
- 84'
Узоқдан узатилган тўпни Обамеянг ўзига бўйсундира олмади. Уокер ҳимояда яхши ҳаракат қилиб, тўпга эга чиқди.
- 83'
Льяпорт Де Брюненинг узатмасидан сўнг узоқдан Мартинес дарвозасини нишонга олди. Аммо ноаниқ. "Арсенал" ҳимоя қўрғони узоқдан зарба беришдан бошқа имкон қолдирмаяпти.
- 78'
Ляказетт ўрнига Торрейра ўйинни давом эттиради. Артета натижа учун ўйнамоқчи.
- 77'
Қанотдан ҳаволатиб узатилган тўпга Фоден баланд сакраб зарба берди. Аммо зарбага куч етишмади.
- 75'
Стерлинг яна чап қанотда фаоллик кўрсатди. Аммо Беллерин уни зарарсизлантиришга эришди.
- 73'
Стерлинг жарима майдонида тўпни қабул қилиб, чалғитувчи ҳаракатлардан сўнг зарба берди. Давид Луиз тўпга яхши блок қўя олди.
- 72'
Николья Пепе ўз ўрнини Жо Уиллокка бўшатиб берди.
- 71'
ГООООООООООООООЛЛЛЛЛЛЛЛЛЛЛ!!! "Сити"нинг бурчак зарбасидан сўнг "Арсенал" тезкор қарши ҳужумга ўтди. Обамеянг қанотдан тўп билан кириб бориб, Эдерсонни ожиз қолдирди.
- 70'
Жезуснинг бир тегиниши голга айланиши мумкин эди. Мейтленд-Найлз эса ундан тезроқ ҳаракат қилиб тўпни майдон ташқарисига чиқариб юборди.
- 69'
"Арсенал" яна ўз жарима майдонига қамалиб олди.
- 68'
Футболчилар чанқоқларини босиб олишди.
- 67'
"Арсенал" майдонидаги пала-партишлик Де Брюйнега қанотда тўп етиб келишига сабаб бўлди. Унинг куч билан берган зарбаси йўлига Силва чиқиб келди. Ҳужум голсиз якунланди.
- 66'
Фоден ва Родри майдонга тушди. Улар Маҳрез ва Гюндоган ўрнини тўлдиради.
- 64'
Бурчакдан узатилган тўп Стерлингнинг юзига тегди. Феллайни иштирокидаги мэмлар ёдингиздами?!
- 64'
Йўқ, пенальти йўқ.
- 63'
Стерлинг чап қанотдан ёриб кириб, Мустафи оёқлари остига йиқилди. У пенальти сўраяпти, ВАР эса текширмоқда...
- 61'
Кевиннинг ўта хавфли зарбаси дарвоза устуни ёнгинасидан ўтиб кетди.
- 60'
Жезусни Давид Луиз ва Себальос "ўртага олишди". Хавфли жарима зарбаси...
- 59'
Бурчакдан узатилган тўпга бўлган курашда "Арсенал" футболчилари қўли билан теккан бўлиши мумкин... Йўқ, ҳаммаси жойида.
- 58'
Де Брюйненинг фаоллиги "Сити"га бурчак тўпи ишлаб берди.
- 54'
Маҳрез ўнг қанотда тўпни қабул қилиб олиб, Мейтленд-Найлзни ортда қолдирган ҳолда яқин пастки бурчакка зарба берди. Мартинес ажойиб ҳаракат қилиб, тўпни ушлаб олишга эришди.
- 53'
Пепенинг хавфли узатмасини Эрик Гарсия қайтармаганда Ляказетт дарвозабон билан бирга-бир вазиятга чиқиб бориши мумкин эди.
- 52'
Менди қанотига ҳаволатиб узатиб берилган тўпни жарима майдони марказига дарҳол узатиб юборишни мақсад қилганди. Тўп эса Мартинес қўллари томон йўл олди.
- 51'
Де Брюйне майдоннинг ҳар қаричида фаол. Энди ўнг қанотда пайдо бўлган бельгияликнинг жарима майдончасига узатган тўпига "тўпчилар" биринчи бўлишди.
- 49'
Де Брюйненинг чап қаанотдан узатган тўпига Стерлинг томонидан берилган зарба яна ноаниқ. Ҳисоб тенглашиши мумкин эди.
- 48'
Бурчак зарбасидан сўнг ҳимоячилар тўпни қайтаришди. Қайтган тўпни Де Брюйне Стерлинг ташлаб берди. Англиялик футболчининг берган зарбаси эса ноаниқ кетди.
- 46'
Пепе дарҳол офсайдда қолишга ҳам улгурди.
- 46'
Иккинчи тайм бошланди!
- 45'
Танаффус.
- 45+'
Биринчи бўлимга 2 дақиқа қўшиб берилди.
- 45'
Де Брюйне Маҳрезнинг навбатдаги бурчак зарбасидан сўнг дарвозага зарба берди. Аммо тўп ерга тегиб, сакраган ҳолда офсайддаги Стерлингнинг бошига бориб тушди.
- 44'
Мейтленд-Найлз чап қанотдан рейд уюштириб, жарима майдонига тўпни узатмоқчи эди. Аммо у тепган тўп Эдерсоннинг қўлларига бориб тушди.
- 41'
"Арсенал" ҳам Маҳрезга ҳавас қилиб бурчак тўпи тепиб кўрди. Уларда ҳам ўхшамади.
- 39'
Маҳрез амалга оширган корнердан кейин тўп Эдерсонгача етиб келди... Бошқа кимдир йўқмикан?!
- 39'
Маҳрез Мейтленд-Найлзга "рақс тушиб берди". У эса бунга алданмади.
- 37'
Жезус Себальосга нисбатан қоидани бузди. Ҳакам уни ҳам аяди.
- 34'
Пепе энди чап қанотда пайдо бўлди. Жарима майдончасига қанот бўйлаб кириб бориб, узатган тўпини дарвозабон ушлаб олди.
- 31'
ОБАМЕЕЕЯНГ!!! "Сити" футболчиларининг навбатдаги хатосидан ҳужумчи фойдалана олмади. У тўпни Пепега жуда секин узатди. Аяган бўлиши ҳам мумкин...
- 29'
Беллерин тўпни шерикларига ошириш ўрнига Жезусга бериб қўйди. У эса тўпни Де Брюйнега қолди. Бельгияликнинг зарбаси йўлини ҳимоячилар тўсди.
- 28'
Жезус жарима майдонида тўпни қабул қилиб чап томонга юрди. У жуда узоқ йўл босди... Натижада тўпни йўқотди.
- 25'
Чанқоқ босиш учун кичик танаффус берилди.
- 23'
Мустафи майдон марказила Лавид Силвага қарши жуда қўпол ҳаракат қилди. Жонатан Мосс ҳозирча кечирди.
- 22'
Ляпорт тўпни ҳимояда олдириб қўйди. Унинг бахтига шериклари хатосини ёпа олишди.
- 21'
Гвардиола ва Артета ёнма-ён турган ҳолда шогирдларига кўрсатмалар бермоқда.
- 19'
ГОООООООООООООООЛЛЛЛЛЛЛЛ!!! Обамеянг ҳисобни очди. Беллерин тезликда югуриб келиб, тўпни ўнг қанотдаги Пепега узатди. Пепе эса тўпни чапроққа олиб, ҳаводан шеригига узатди. Габонлик форвард ўз вақтида тўпга оёғини қўйиб, Эдерсонни ожиз қолдирди.
- 17'
Иккинчи декадада "Арсенал" фаол.
- 16'
Гендузи майдон марказида тўпни олиб қўйиб, Обамеянгга узатди. Габонлик футболчининг хавфли зарбасини Эдерсон қайтарди.
- 13'
ЛЯКАЗЕЕЕТТТТ!!! Наҳотки... Ҳа, офсайд экан. "Арсенал"нинг дастлабки ҳужумиёқ голга айланганди. Аммо ҳимоячилар томонидан юқорилатиб узатилган тўпга югураётган Ляказетт ва Беллерин офсайдда бўлган экан.
- 12'
Беллерин "Сити"нинг хавфли ҳужумини қайтариб қолди. Кесувчи пас тўғридан тўғри Жезусни бирга-бир вазиятга олиб чиқиши мумкин эди.
- 10'
Корнердан сўнг Стерлинг боши билан тўпни шеригига ажойиб тарзда ташлаб берди, аммо ҳимоячилар тўпни узоқлаштиришга эришди.
- 9'
Стерлинг Тирнейдан тўпни олиб қўйиб зарба берди. Мартинес яхши ҳаракат қилди.
- 8'
Бурчак зарбасини Маҳрезнинг ўзи амалга оширди. Бесамар.
- 8'
Силва марказда тўпга бир тегиниши билан Маҳрезни ўнг қанотда олдинга бошлади. Жазоирлик футболчининг жарима майдонига рейди ва зарбаси "Сити"га бурчак тўпи олиб берди.
- 6'
"Арсенал" "Сити" яриммайдонига тўп билан кириб борди. Аммо улар вазиятни зарбагача олиб бора олишмади.
- 4'
"Сити"нинг дастлабки бурчак зарбасини Маҳрез амалга оширди. Ҳимоячилар иккинчи қаватда яхши ўйнаб, тўпни узоқлаштиришди.
- 3'
Давид Силва "шаҳарликлар"нинг чап қанотдан ташкил қилинган ҳужумини гол билан якунлай олмади.
- 2'
"Сити" дастлабки дақиқаларни тўпни назорат қилиш билан ўтказмоқда., "Арсенал" ўз ярим майдонида ҳимоя қўрғони ташкил қилган.
- 1'
Ўйин бошланди.
- 0'
Жамоалар майдонга тушиб келишмоқда.
Фикрлар