"Арсенал" 2004 йилга нисбатан яхшироқ натижа кўрсатмоқда

АПЛнинг 20-тур ўйинида "Борнмут"га қарши ғалаба қозонганидан сўнг "Арсенал" 48 очкога эга бўлди. Бу шуни англатадики, жамоа ҳозирда 2004 йилдаги сўнгги чемпионлик унвонини қўлга киритган пайтдагидан ҳам яхшироқ натижа кўрсатмоқда.

Ўшанда 20-турдан кейин Арсен Венгернинг "Арсенал"и 46 очкога эга эди, яъни ҳозиргидан икки очко кам. Шу билан бирга, "Арсенал" 2003/2004-йилги мавсумнинг биринчи ярмига нисбатан тўртта кўпроқ гол урди (36 га қарши 40 та), бироқ битта кўпроқ тўп ўтказиб юборди (ўшанда 13 та, ҳозир 14 та).

"Арсенал" АПЛдаги навбатдаги ўйинини саккизинчи январь куни "Ливерпуль"га қарши ўтказади.