“Арсенал” “Барселона”дан футболчи сотиб олишни мақсад қилган

"Арсенал" "Барселона" ҳужумчиси Мемфис Депай учун "Тоттенхэм" билан рақобатлашишга тайёр.

Футболчининг ўзи фаолиятини Каталония клубида давом эттирмоқчи, бироқ "кўк-анорранглилар" раҳбарияти голландияликни сотмоқчи эканлигини маълум қилган.

Депайга асосий даъвогарлардан бири "Тоттенхэм" ҳисобланади, аммо "Арсенал" ҳам Мемфис учун курашга кирмоқчи, деб хабар берди “Daily Mail” нашри. Унинг трансфери 20 миллион еврога баҳоланмоқда.

Ҳужумчи ўтган ёзда "Барселона" сафига қўшилди ва жамоанинг энг яхши тўпурарларидан бирига айланди, аммо шунга қарамай, асосий таркиб футболчисига айлана олмади.

Ўтган мавсумда форвард Ла Лигада 28 та ўйинда майдонга тушиб, ўз ҳисобига 12 та гол урди ва 2 та голли узатмани ёздириб қўйган.