"Арсенал" дарвозабони Премьер-лиганинг бошқа бир клубига ўтиши мумкин

Ёзги трансферлар ойнасида "Арсенал" "Брентфорд"дан Давид Райяни сотиб олганидан кейин Аарон Рамсдейл асосий таркибдан тушиб қолди. Агарда статистикага эътибор берсак, испаниялик посбон 30 та ўйинда майдонга тушди. Инглиз дарвозабонида эса бу кўрсаткич 10 та учрашувни ташкил қилади. 

Захира аъзосига айланиб қолган Рамсдейл ўзига янги клуб излаши табиий ҳолат. Унга АПЛдан ҳам таклифлар бор. "Ньюкасл" 25 ёшли Ааронни ёзда ўз таркибига қўшиб олишга ҳаракат қилади, дея хабар бермоқда "Daily Mail" нашри. 

"Қарғалар" учун мавсум кутилганидек ўтмади. Жароҳатлар сабаб клуб муҳим ўйинларда асосий футболчиларисиз ҳаракат қилишига тўғри келди. Улар қаторида Ник Поуп ҳам бор. Шу сабабли, раҳбарият иккита тенг кучли дарвозабон билан кейинги мавсумга тайёргарлик кўрмоқчи.