"Арсенал" Деклан Райс учун 100 миллион фунтни қандай тўлаши маълум бўлди

"Арсенал" ва "Вест Хэм" Деклан Райснинг трансфер тўловини амалга ошириш бўйича келишиб олди.

Олдинроқ “болғачилар” 24 ёшли ярим ҳимоячини "канонирлар" сафига қўйиб юборишга рози бўлгани хабар қилинган эди. Трансфер қиймати 100 миллион фунт стерлингни ташкил этади ва бу сумма яна қўшимча 5 миллион фунт бонуслар эвазига ортиши мумкин.

Sky Sports хабарига кўра, "Арсенал" ушбу 100 миллион фунтни икки йил давомида 3 қисмга бўлиб тўлайди.

Маълумот учун, Райс ўтган мавсум жами АПЛда 37 та ўйинда майдонга тушиб, 4 та гол урди ва 2 та голли узатмага муаллифлик қилди.