Ads

Лондоннинг "Арсенал" клуби хавбеки Эйнсли Мейтленд-Найлзнинг онаси ҳеч қандай қулайликларга эга бўлмаган темир гаражда яшаб келмоқда. Бу ҳақда аёлнинг ўзи The Sun нашрига маълум қилди.

"Ойнасиз, ҳожатхона ва души йўқ темир гаражда яшайман. Эйнсли "Арсенал"даги маоши эвазига менга  квартира олиб беришга бемалол қурби етади. У акаси Корди билан бирга 780 минг евролик уйда яшайди. Шуни билиб қўйишларини истардимки, агар улар буларнинг барчасидан маҳрум бўлишса ҳам мен уларни яхши кўравераман", - дейди футболчининг онаси.

Маълумот учун, 20 ёшли Эйнсли Мейтленд-Найлзнинг "Арсенал"даги ҳафталик маоши 35 минг еврони ташкил этади. Футболчининг ўзи ва клуб раҳбарияти эса юқоридаги ҳолат юзасидан изоҳ беришни исташмади.