Ads

Лондоннинг "Арсенал" клуби форварди Дэнни Уэлбек фаолиятини Италияда давом эттириши мумкин.

The Sun нашри тарқатган хабарга қараганда 28 ёшли англиялик футболчининг хизматларига “Лацио”дан жиддий қизиқишлар мавжуд. Қайд этиш лозимки, Уэлбек римликлар сафига эркин агент сифатида текинга бориб қўшилиши мумкин. Боиси кейинги ойда унинг “канонирлар” билан амалдаги шартномаси ўз якунига етади.

Эслатиб ўтамиз, бундан аввалроқ Evening Standard нашри Уэлбекка "Вест Хэм", "Ньюкасл", "Кристал Пэлас" ҳамда "Эвертон" каби бир қатор АПЛ клублари жиддий қизиқишлар бўлаётгани ҳақида хабар тарқатган эди.

Маълумот учун, Уэлбек 2018 йилнинг ноябрида товонидан жиддий жароҳат олиб, жарроҳлик амалиётини бошдан кечирган эди. Шу боис у якунланган мавсум бор йўғи 15та ўйинда майдонга тушди ва рақиблари дарвозасига 5та гол уришга эришди.

Минбар

Барча блоглар