"Арсенал" жорий мавсум бирорта ўйинда қатнашмаган юлдузни "Реал"дан олиб кетмоқчи

«Топskills Sports UK» нашрининг ёзишича, Лондоннинг «Арсенал» клуби «Реал» ҳужумчиси Родригонинг келажагини диққат билан кузатиб бормоқда.

Манбага кўра, мадридликлар сафида бразилиялик футболчининг истиқболи ҳозирча аниқ эмас. Родриго жароҳатдан кейин майдонга декабрь ойида қайтиши кутилмоқда. 

Шу боис «канонирлар» унинг атрофидаги вазият ривожини синчиклаб ўрганаётгани айтилмоқда.

Шу билан бирга, Родриго билан қизиқиш фақат «Арсенал» томонидан эмас, бошқа клублар ҳам унинг ҳолатини назорат қилиб бораётгани таъкидланади.

Родриго 2019 йилдан бери «Реал» шарафини ҳимоя қилиб келмоқда. Жорий мавсумда эса 25 ёшли ҳужумчи ҳали бирор марта ҳам майдонга тушгани йўқ.

Бразилиялик футболчининг мадридликлар билан амалдаги шартномаси 2028 йил июн ойи охиригача мўлжалланган.