"Арсенал" катта трансферни амалга ошириши мумкин

Мадриднинг “Атлетико” клуби ҳужумчиси Жоау Фелиш фаолиятини “Арсенал”да давом эттириши мумкин, дея хабар берди журналист Пол Браун.

Манбага кўра, Лондон клуби 22 ёшли португалияликнинг ўйинларини анчадан бери кузатиб келмоқда, чунки "канонирлар" раҳбариятида футболчининг ҳаракатларига мухлислик қиладиган инсонлар бор. Ҳужумчининг Мадрид клуби билан шартномаси 2026 йилнинг ёзига қадар амал қилади. "Transfermarkt" Португалия терма жамоаси футболчисини 70 миллион еврога баҳоламоқда.

Олдинроқ Фелиш қишки трансфер ойнасида "матрасчилар"ни тарк этиши мумкинлиги ҳақида хабарлар тарқалган эди. Футболчига ПСЖ, "Бавария" ва "Манчестер Юнайтед" ҳам қизиқиш билдирмоқда.

Португалиялик футболчи жорий мавсум “Атлетико” сафида 12 та ўйинда майдонга тушиб, 3 та голли узатмани амалга оширган.