“Арсенал” келаси мавсум чемпионлик унвонини ҳимоя қилиш йўлини топди

Лондоннинг “Арсенал” клуби Англия Премьер-лигасидаги чемпионлик унвонини сақлаб қолиш учун топ даражадаги ҳужумчи билан шартнома имзолашни режалаштирмоқда.

Бу ҳақда The Touchline нашри X ижтимоий тармоғида хабар берди.

Клубда бош мураббий Микель Артета ҳимоявий вазифаларни аъло даражада бажараётганини тан олишмоқда, аммо жамоага ҳужумда ранг-баранглик етишмаётгани яққол кўриниб қолди.

Раҳбариятнинг фикрича, ҳужум чизиғида кучлироқ таркиб билан “Арсенал” Англияда узоқ йиллар давомида ҳукмронлик қилиши мумкин, айниқса “Манчестер Сити” бош мураббийи Хосеп Гвардиола лавозимини тарк этганидан кейин совринлар учун кураш яна авжига чиқади.

“Арсенал” узоқ уринишдан кейин илк маротаба Хосеп Гвардиола жамоасини ортда қолдирди ва энди Англияда гегемонлик ўрнатмоқчи.