"Арсенал" кутилмаганда йирик ҳисобда мағлубиятга учради

АПЛ 31-туридан ўрин олган "Кристал Пэлас" - "Арсенал" ўйини якунига етди. Унда мезбонлар йирик 3:0 ҳисобида ғалаба қозонди. 

Учрашувда голларга Матета, Айю ва Захалар муаллифлик қилди. "Арсенал" бугун майдонни голсиз тарк этадиган бўлди. 

Мазкур натижадан сўнг "Кристал Пэлас" очколари сонини 37 тага етказиб, жадвалда 9-поғонага чиқиб олди. 

"Арсенал" ҳисобида 54 очко мавжуд. Жамоа айни пайт жадвалнинг 5-поғонасидан ўрин олган.