"Арсенал" "Ливерпуль"га қарши ўйиндан олдин жиддий йўқотишга учради
Лондоннинг "Арсенал" клуби ўзининг расмий сайтида бразилиялик ҳимоячи Давид Луиз жароҳат олгани ва премьер-лиганинг 30-туридан ўрин олган "Ливерпуль"га қарши ўйинни ўтказиб юборишини маълум қилди.
"Давидни ўнг тиззасидаги жароҳат безовта қилмоқда. У тез орада тиббий текширувдан ўтказилади", - дейилади клуб баёнотида.
"Арсенал" 29 турдан сўнг 42 очко тўплаган ҳолда АПЛ мусобақа жадвалида 9-ўринни эгаллаб турибди. "Ливерпуль" эса “канонирлар”дан 4 очко кўп жамғарган ҳолда 7-ўринда бормоқда.
Эслатиб ўтамиз, “Арсенал” – “Ливерпуль” учрашуви бугун Тошкент вақти билан соат 00:00 да бошланади.
33 ёшли Давид Луиз жорий мавсум “Арсенал” сафида жами 29 та учрашувда майдонга тушди ва ўз ҳисобига 2 та гол ёздириб қўйишга эришди.
Фикрлар