"Арсенал" Обамеянг ўрнига Бундеслигадан зўр ҳужумчи топди
Леверкузеннинг "Байер" клуби форварди Кевин Фолланд "Арсенал"нинг қизиқишлар доирасига кириб қолди.
Sky Sports нашри тарқатган хабарга кўра “канонирлар” 27 ёшли германиялик футболчини жамоадан кетмоқчи бўлиб юрган Пьер-Эмерик Обамеянг ўрнига муносиб номзод сифатида қарашмоқда.
Маълумот учун, Фолланд жорий мавсум “Байер” сафида 25 та ўйинда майдонга тушди ва 7 та гол ҳамда 7 та голли узатмага муаллифлик қилди. Унинг “доришунослар” билан амалдаги шартномаси 2021 йилга қадар имзоланган. Трансфер нархи эса 35 млн еврога баҳоланмоқда.
Фикрлар