"Арсенал" пенальтилар сериясида "Ливерпуль"ни енгиб, чорак финалга йўл олди

Англия лига кубоги нимчорак финалидан ўрин олган "Ливерпуль" - "Арсенал" учрашуви ўз якунига етди. Ўйиннинг асосий вақтида жамоалар 0:0 ҳисобида дуранг ўйнади. 

Пенальтилар сериясида эса омад "тўпчилар" тарафида бўлди ва жамоа чорак финалга йўл олди.

• 90'
  

  "Арсенал" чорак финалда! Матнли трансляцияни Абдулвосид Валихонов олиб борди.

• 90'
  

  ГОЛ! Адриан тўпни деярли қайтарганди. 

• 90'
  

  ЛЕНО! Уилсоннинг зарбасини дарвозабон қайтарди.

• 90'
  

  ГОЛ! Пепе жуда хотиржам тарзда ўз имкониятидан фойдаланди.

• 90'
  

  ГОЛ! Жонснинг зарбасини дарвозабон сал бўлмаса қайтарарди.

• 90'
  

  ГОЛ! Мейтленд-Найлз зарбани аниқ амалга оширди.

• 90'
  

  ЛЕНО! Оригининг зарбасини немис посбони қайтарди.

• 90'
  

  АДРИАН! Элненининг зарбасини дарвозабон қайтарди.

• 90'
  

  ГОЛ! Минамино тўпни ўнгга, Ленони чапга йўллади.

• 90'
  

  ГОЛ! Седрик ҳам гол урди.

• 90'
  

  ГОЛ! Вейналдум юқори бурчакка қўрқмай зарба берди.

• 90'
  

  ГОЛ! Льяказетт ҳам аниқ фойдаланди.

• 90'
  

  ГОЛ! Милнер биринчи пенальтини аниқ ва хотиржам амалга оширди.

• 90'
  

  Учрашув вақти ўз якунига етди. Ғолибни пенальтилар серияси аниқлаб беради.

• 90'
  

  Седрик Соареш ҳакамга ортиқча эътироз билдиргани учун сариқ карточка ишлаб олди.

• 90'
  

  Асосий вақтга 3 дақиқа қўшиб берилди.

• 89'

  Милнернинг жаримадан узатган тўпи ҳимоячилар томонидан бартараф этилди.

• 86'
  

  Сака ўрнига Мейтленд-Найлз майдонга тушди.

• 83'

  Пепенинг жарима майдони ичидан берган зарбаси ноаниқ кетди.

• 82'
  

  Нкетия ўрнига Льяказетт майдонга тушди.

• 76'
  

  Жота ўрнига Вейналдум майдонга тушди.

• 75'
  

  Уилсон сариқ карточка олди.

• 70'

  Холдингнинг зарбасини Адриан ушлаб олди.

• 68'
  

  Себальос ўрнига Элнени майдонга тушди.

• 63'
  

  Лено постини ишғол қилиш учун мерсисайдликлар яна нима қилсин?! Қойил!

• 61'
  

  Ван Дайк ўрнига Гомез, Салаҳ ўрнига эса Ориги майдонга тушди.

• 60'
  

  Ленодан яна бир сейв. "Ливерпуль" футболчисининг жарима майдони ташқарисидан берган зарбаси тўғри пастки бурчакдан жой олаётганди.

• 57'
  

  Корнер бесамар кетди.

• 56'

  Жотанинг юриши хавфли зарба билан якунланди. Тўп ҳимоячиларга тегиб, майдонни тарк этди.

• 53'
  

  Лено Ван Дайкнинг бош билан берган зарбасини қайтаришга эришди.

• 51'
  

  Жака сариқ карточка олди. У рақибини очиқчасига ушлаб олди.

• 49'

  Адриан жарима майдонига узатилган тўпни ушлаб олди.

• 46'
  

  Иккинчи тайм бошланди.

• 45'
  

  Танаффус.

• 45'
  

  Биринчи таймга 1 дақиқа қўшиб берилди.

• 45'
  

  Минамино тайм сўнгида жамоасини ҳисобда олдинга олиб чиқиши мумкин эди. Дарвозабондан қайтган тўпни япониялик футболчи дарвозага жойлаб қўя олмади.

• 44'

  "Арсенал" футболчиси жарима майдони кираверишида рақибни йиқитди. Мерсисайдликлар пенальти талаб қилмоқда. Аммо Кевин Френд бундай деб ҳисобламаяпти.

• 40'

  Ноаниқ ва ноқулай пасга Пепе зарба бермоқчи бўлди. Аммо ноаниқ.

• 38'

  Кёртис Жонснинг жарима майдонига узатган тўпини ҳимоячилар қайтариб юборишга эришди.

• 33'

  "Канонирлар" тўпни ўзида сақлаб турибди. Аммо ҳозирча вазиятлар йўқ.

• 30'
  

  Милнер офсайдда қолиб кетди. "Ливерпуль" энди ҳимояланиши зарур.

• 27'

  Салаҳнинг узатмасини ҳимоячилар қайтариб қолди.

• 23'

  Лондонликлар ҳужумда қоидани бузди.

• 20'

  Тўпни ушлаб туриш кўрсаткичи 59-41. Мезбонлар фойдасига. Аммо "Ливерпуль" бирорта ҳам хавфли ҳужум ташкил қилмади.

• 18'
  

  Сака офсайдда.

• 15'
  

  Минамино сариқ карточка ишлаб олди.

• 14'

  "Арсенал" футболчиларининг жарима майдонига узатмалари ўтмаяпти

• 11'

  "Ливерпуль" юзага келган вазиятдан сўнг ҳозирча ҳимояда хушёр тортиб қолди.

• 8'
  

  Адриан "Арсенал" футболчисининг кечикиши оқибатида тўпни уриб юборишга эришди. Нкетия дарвозабон билан юзма-юз қолганди.

• 6'

  Энди "Арсенал" босим уюштирмоқда.

• 3'

  "Ливерпуль" дастлабки дақиқаларданоқ тўп назоратини қўлга олди.

• 1'
  

  Ўйин бошланди.

• 0'

  Жамоалар майдонга тушиб келиб улгурган. Стадион узра "You'll never walk alone" садолари янграмоқда.

• 0'

  Ассалому алайкум, инглиз футболи ихлосмандлари. Англия кубоги нимчорак финали доирасидаги "Ливерпуль" - "Арсенал" учрашуви бошланиш арафасида. Ушбу учрашувни матнли тарзда эътиборингизга Абдулвосид Валихонов тақдим этади.