"Арсенал" қишда "Боруссия" Дортмунд футболчисини ўз сафига қўшиб олмоқчи

Дортмунднинг “Боруссия” клуби ярим ҳимоячиси Юлиан Вайгль “Арсенал”нинг қизиқишлар доирасига кириб қолди. Бу ҳақда Bild нашри хабар тарқатмоқда.

Таъкидлаш керакки, 23 ёшли германиялик футболчининг хизматларини аввал немис клубида фаолият олиб борган ва айни дамда “канонирлар” билан ишлаётган скаут Свен Мислинтат тавсия қилмоқда. “Арсенал” эса уни қишки трансферлар давридаёқ ўз сафига қўшиб олмоқчи.

Аммо, дортмундликлар Вайглни мавсум ўртасида қўйиб юборишлари амри маҳол. Гарчи у асосий таркиб футболчиси ҳисобланмасада, “Боруссия” захира футболчилари сифатини сақлаб туриш учун ҳам уни қўйиб юбормаслиги мумкин.