"Арсенал" раҳбарияти клуб футболчиларига таклиф билан чиқди

"Арсенал" раҳбарияти клуб футболчиларига маошларини сақлаб қолиш имкониятини таклиф қилмоқда.

The Telegraph нашри хабарига кўра, "канонирлар" мавсум якунида Чемпионлар лигаси йўлланмасини қўлга киритадиган бўлса, унда футболчиларнинг маошлари қисқартирилмайди. Аммо манбада "тўпчилар"нинг ушбу таклифга муносабати очиқланмаган.

Эслатиб ўтамиз, айни дамда АПЛ коронавирус инфекцияси сабаб номаълум муддатга қолдирилган. Чемпионат клублари эса футболчилар маошларини пасайтириш бўйича музокараларни давом эттиришмоқда.